Archive | Poetry RSS feed for this section

Bheegti Palkein

19 Jul

tumhari bheegti palkon say main nay baar-haa pucha
k dil k khail main kya jeetnay waalay bhi rotay hain
woh jin ki chashm-e-khud bee’n or ko dekha nahi krti
bhala kis dil say gham k taar main moti pirotay hain

tumhari bheegti palkon say main nay baar-haa pucha
k kya maanind-e-sheesha patharo’n baal aata hai
asar angaiz hai ab tak mohabbat ka wohi jazba
jo aisay hosh mando’n ko bhi youn pagal banata hai

tumhari bheegti palkon say main nay baar-haa pucha
mizaaj-e-husn main youn yak ba-yak kya inqilaab aaya
sitara daikhna or daikh kar afsurda ho jana
bari taakheer say tumko sitaaron ka hisaab aaya

tumhari bheegti palkon say main nay baar-haa pucha
k tark-e-rabt par kya mujh say wehshi yad atay hain
taaluq torna aasaan tha to aankh kyun nam hai
anaa parwar jafa paisha bhi youn aansu bahatay hain

tumhari bheegti palkon say main nay baar-haa pucha
k jalnay or jalanay main bhala kya lutf ata hai
bas ek jhooti anaa k wastay barbaad ho jana
khudi k zo’am main insaan kitnay dukh uthaata hai

diyay jalaaye huway subh-o-shaam rakhtay thay…

19 Apr

guraiz-e-shab say, seher say kalaam rakhtay thay
kabhi wo din thay k zulfon main shaam rakhtay thay

tumhaaray haath lagay hain to jo karo so karo
wagarna tum say to ham so ghulaam rakhtay thay

hamain bhi ghair liya ghar k zo’am nay to khulaa
kuch or log bhi is main qayaam rakhtay thay

yeh or baat hamain dosti na raas aai
hawaa thi sath to khushbu maqaam rakhtay thay

na-jaanay kon si rutt main bichar gaye woh log
jo apny dil main boht ehtaraam rakhtay thay

wo aa to jata kabhi, ham to is k raston par
diyay jalaaye huway subh-o-shaam rakhtay thay…

ab ki baar aapas main hum apnay gham badaltay hain…

15 Apr

chalo ab mil k hijr-o-habbs ka mosam badaltay hain,

zara sa tum badal jaao, zara sa hum badaltay hain…

 

agar tum yeh samajhtay ho tumhaaray gham zayada hain

to ab ki baar aapas main hum apnay gham badaltay hain…

kisi ki baat woh suntaa nahi…………!

15 Apr

is tarha rootha hai mujh say,

laot kar aaya nahi….

aik arsaa ho gya,

us shakhs ko dykha nahi…

puchtay to baat kyaaa tum?

us butt-e-maghroor ki?

apni kehta hai,

kisi ki baat woh suntaa nahi…………!

meray ashaar k tazkaray chir gaye…..

15 Apr

aik jaan-e-ghazal par jo likhi ghaza,

 

dhoom har soo meray husn-e-funn ki machi……

 

shehr k har mohallay main baazaar main,

 

meray ashaar k tazkaray chir gaye…..

teri zulf-e-kham-daar k tazkaray chir daye….

15 Apr

mujh ko bay-saakhta yaad aanay lagay,

 

zindagi k uljhay huway raastay,

 

gufagu k kisi mor par jab kabhi,

 

teri zulf-e-kham-daar k tazkaray chir daye….

Kiya Rang Badaltay Hain, Yai Doost Numa Duhman

1 Feb

 Pehlay To Wohi Dushman, Phir Uski Ada Dushman
Darkar Nahi Hm Ko, Ab KOi Naya Dushman

Har Shakhs Mukhtalik Tha, Jb Uss Sy Marasim Thay
Ab Uss K Bichartay He, KOi Na Raha Dushman

TOba To Nahi Mushkil, Mushkil Hay To Bus Yai Hay
Hum Jaam Agar TOrain,Bun Jayai Ghata Dushman

Kiya Husn-e-Zan Apna Tha, Uss Shaks K Baray Main
Js Doost Nay Samjaya , WO Hm Ko Laga Dushman

KOi B Qateel Un Ki Pehchan Na Kar Paayai
Kiya Rang Badaltay Hain, Yai Doost Numa Duhman

meri aawaaz mery yaar kahan tak jaati?

31 Jan

dasht-e-darya k us paar kahan tak jati?

ghar ki deewar thi, deewar kahan tak jati?

mitt gai hasrat-e-deedaar b rafta rafta…

hijr main hasrat-e-deedaar kahan tak jati?

thak gaye hont tera naam b letay letay…

aik hi lafz ki takraar kahan tak jaati?

rahbar usko saraabon main liyay phirtay thay..

khalqat-e-shehr thi beemaar, kahan tak jati?

har tarf husn k baazaar lagay thay yaaro…

har taraf chashme-e-kharidaar kahan tak jaati?

tu boht door boht door gya tha muj say…

meri aawaaz mery yaar kahan tak jaati?

shehr ki soorat main apni saltanat baich kar

30 Jan

shehr ki soorat main apni saltanat baich kar
do niwalay hi milay aankhon ka paani baich kar

apni boorhi maa’n ki khaatir aik beti shehr sy
lay k aai hai dawaa lakin jawani baich kar

sacha kahan likhay ga meray daor ka taareekh-daan
jab wo apna pait bharta hai kahaani baich kar

pucha jo main nay haakim-e-mulk ki ameeri ka sabab

mila jawaab…!!

aaya hai abhi america main Pakistani baich kar…

Pehlay to wohi dushman, phir us ki adaa dushman

30 Jan

Pehlay to wohi dushman, phir us ki adaa dushman
Darkaar nahi hum ko, ab koi nyaa dushman

Har shakhs mukhalif tha, jab us sy marasim thay
Ab us k bichartay hi, koi na raha dushman

Toba to nahi mushkil, mushkil hai to bas ye hai
Ham jam agar torain, ban jaye ghata dushman

Kya husn-e-zan apna tha, us shakhs k baray main
Jis dost nay samjhaya, wo hum ko laga dushman

Koi b Qateel un ki pehchaan na kar paye
Kya rang badaltay hain, ye dost numaa dushman…

Follow

Get every new post delivered to your Inbox.

Join 521 other followers