Bheegti Palkein

tumhari bheegti palkon say main nay baar-haa pucha
k dil k khail main kya jeetnay waalay bhi rotay hain
woh jin ki chashm-e-khud bee’n or ko dekha nahi krti
bhala kis dil say gham k taar main moti pirotay hain

tumhari bheegti palkon say main nay baar-haa pucha
k kya maanind-e-sheesha patharo’n baal aata hai
asar angaiz hai ab tak mohabbat ka wohi jazba
jo aisay hosh mando’n ko bhi youn pagal banata hai

tumhari bheegti palkon say main nay baar-haa pucha
mizaaj-e-husn main youn yak ba-yak kya inqilaab aaya
sitara daikhna or daikh kar afsurda ho jana
bari taakheer say tumko sitaaron ka hisaab aaya

tumhari bheegti palkon say main nay baar-haa pucha
k tark-e-rabt par kya mujh say wehshi yad atay hain
taaluq torna aasaan tha to aankh kyun nam hai
anaa parwar jafa paisha bhi youn aansu bahatay hain

tumhari bheegti palkon say main nay baar-haa pucha
k jalnay or jalanay main bhala kya lutf ata hai
bas ek jhooti anaa k wastay barbaad ho jana
khudi k zo’am main insaan kitnay dukh uthaata hai

Advertisements

Welcome to my blogs... pleasure to've ur comments... :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s